T-20 ਸੀਰੀਜ਼ ਲਈ ਅੱਜ ਹੋ ਸਕਦੈ ਟੀਮ ਦਾ ਐਲਾਨ, ਕੀ ਰਿਆਨ ਪਰਾਗ ਤੇ ਯਸ਼ ਦਿਆਲ ਨੂੰ ਮੌਕਾ?

India’s T20Is Announcement: ਭਾਰਤੀ ਟੀਮ ਅਗਲੇ ਮਹੀਨੇ 6 ਤੋਂ 14 ਤਰੀਕ ਤੱਕ ਜ਼ਿੰਬਾਬਵੇ ਦੇ ਖਿਲਾਫ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਖੇਡੇਗੀ। ਇਸ ਸੀਰੀਜ਼ ਲਈ ਅੱਜ ਟੀਮ ਇੰਡੀਆ ਦਾ ਐਲਾਨ ਕੀਤਾ ਜਾ ਸਕਦਾ ਹੈ। ਜਾਣਕਾਰੀ ਮੁਤਾਬਕ ਆਈਪੀਐੱਲ ‘ਚ ਚੰਗਾ ਪ੍ਰਦਰਸ਼ਨ ਕਰਨ ਵਾਲੇ ਕੁਝ ਨੌਜਵਾਨ ਖਿਡਾਰੀ ਬੈਂਗਲੁਰੂ ਸਥਿਤ ਨੈਸ਼ਨਲ ਕ੍ਰਿਕਟ ਅਕੈਡਮੀ ‘ਚ ਹਨ ਅਤੇ ਉਨ੍ਹਾਂ ਨੂੰ ਸੀਰੀਜ਼ ਲਈ ਤਿਆਰ ਕੀਤਾ ਜਾ ਰਿਹਾ ਹੈ। ਕੁਝ ਦਿਨ ਪਹਿਲਾਂ, ਬੀਸੀਸੀਆਈ ਦੇ ਇੱਕ ਸੂਤਰ ਨੇ ਪੀਟੀਆਈ ਨੂੰ ਦੱਸਿਆ ਸੀ, “ਸ਼੍ਰੇਅਸ ਫਿਲਹਾਲ ਐਨਸੀਏ ਵਿੱਚ ਨਹੀਂ ਹੈ। ਐਨਸੀਏ ਵਿੱਚ ਜ਼ਿਆਦਾਤਰ ਕ੍ਰਿਕਟਰ ਉਹ ਹਨ ਜੋ ਆਈਪੀਐਲ ਵਿੱਚ ਵਧੀਆ ਖੇਡੇ ਅਤੇ ਜ਼ਿੰਬਾਬਵੇ ਜਾ ਸਕਦੇ ਹਨ।