IPL 2024: ਪਹਿਲਾਂ MI ਤੇ ਹੁਣ RCB ਦੀ ਕਪਤਾਨੀ ਨੂੰ ਲੈ ਕੇ ਛਿੜੇ ਚਰਚੇ, ਕੋਹਲੀ ਦਾ ਨਾਮ

IPL 2024 ਵਿਚ ਜਿੱਥੇ ਇਕ ਪਾਸੇ ਲਗਾਤਾਰ ਨਵੇਂ ਰਿਕਾਰਡ ਬਣ ਰਹੇ ਹਨ, ਉੱਥੇ ਹੀ ਦੂਜੇ ਪਾਸੇ ਕਈ ਤਰ੍ਹਾਂ ਦੇ ਮਸਲੇ ਵੀ ਉੱਠ ਰਹੇ ਹਨ। ਪਹਿਲਾਂ ਇਹ ਮਸਲਾ ਬਣਿਆ ਸੀ, ਮੁੰਬਈ ਇੰਡੀਅਨਜ਼ (Mumbai Indians) ਦੀ ਕਪਤਾਨੀ ਨੂੰ ਲੈ ਕੇ, ਉਸ ਤੋਂ ਬਾਅਦ ਹੁਣ ਬੈਂਗਲੁਰੂ (RCB) ਦੀ ਕਪਤਾਨੀ ਨੂੰ ਲੈ ਕੇ ਵੀ ਚੁੰਝ ਚਰਚਾ ਛਿੜੀ ਹੈ। ਅਸਲ ਵਿਚ ਬੈਂਗਲੁਰੂ ਦੀ ਟੀਮ ਲਈ ਸਭ ਤੋਂ ਵਧੀਆਂ ਪ੍ਰਦਰਸ਼ਨ ਕਰਨ ਵਾਲਾ ਖਿਡਾਰੀ ਵਿਰਾਟ ਕੋਹਲੀ (Virat Kohli) ਹੈ। ਉਸ ਨੇ ਇਸ ਸੀਜ਼ਨ ਦਾ ਪਹਿਲਾ ਸੈਂਕੜਾ ਜੜਿਆ ਸੀ ਤੇ ਹੁਣ ਤੱਕ ਦੇ 13 ਮੈਚਾਂ ਵਿਚ ਵਿਰਾਟ ਨੇ 661 ਰਨ ਬਣਾਏ ਹਨ, ਜੋ ਕਿਸੇ ਵੀ ਬੱਲੇਬਾਜ਼ ਤੋਂ ਵੱਧ ਹਨ। ਇਸ ਸਦਕਾ ਸਭ ਤੋਂ ਵੱਧ ਰਨਾਂ ਵਾਲੀ ਆਰੇਂਗ ਕੈਪ (Orange Cap) ਵੀ ਵਿਰਾਟ ਕੋਲ ਹੈ।