IND vs ZIM 4th T20: ਭਾਰਤ ਨੇ ਜ਼ਿੰਬਾਬਵੇ ਨੂੰ ਚੌਥੇ ਟੀ-20 ‘ਚ ਹਰਾ ਕੇ ਸੀਰੀਜ਼ ਜਿੱਤੀ

ਜ਼ਿੰਬਾਬਵੇ ਵੱਲੋਂ ਦਿੱਤੇ ਟੀਚੇ ਦਾ ਪਿੱਛਾ ਕਰਨ ਆਈ ਭਾਰਤੀ ਟੀਮ ਨੂੰ ਯਸ਼ਸਵੀ ਅਤੇ ਗਿੱਲ ਨੇ ਸ਼ਾਨਦਾਰ ਸ਼ੁਰੂਆਤ ਦਿੱਤੀ। ਦੋਵਾਂ ਨੇ 10 ਓਵਰਾਂ ‘ਚ ਭਾਰਤ ਦੇ ਸਕੋਰ ਨੂੰ 100 ਤੋਂ ਪਾਰ ਪਹੁੰਚਾਇਆ। ਯਸ਼ਸਵੀ ਦੇ ਟੀ-20 ਕਰੀਅਰ ਦਾ ਇਹ 100ਵਾਂ ਮੈਚ ਸੀ। ਯਸ਼ਸਵੀ ਨੇ ਜ਼ਿੰਬਾਬਵੇ ਖਿਲਾਫ ਧਮਾਕੇਦਾਰ ਪਾਰੀ ਖੇਡ ਕੇ ਦਿਖਾ ਦਿੱਤਾ ਕਿ ਉਹ ਭਵਿੱਖ ਦਾ ਸੁਪਰਸਟਾਰ ਹੈ। ਉਸ ਨੇ ਕਪਤਾਨ ਸ਼ੁਭਮਨ ਗਿੱਲ ਦੇ ਨਾਲ ਮਿਲ ਕੇ ਪਹਿਲੀ ਵਿਕਟ ਲਈ ਸੈਂਕੜੇ ਵਾਲੀ ਸਾਂਝੇਦਾਰੀ ਬਣਾ ਕੇ ਟੀਮ ਦੀ ਜਿੱਤ ਦੀ ਨੀਂਹ ਰੱਖੀ। ਯਸ਼ਸਵੀ ਨੇ 53 ਗੇਂਦਾਂ ‘ਤੇ ਅਜੇਤੂ 93 ਦੌੜਾਂ ਬਣਾਈਆਂ ਜਦਕਿ ਗਿੱਲ ਨੇ 39 ਗੇਂਦਾਂ ‘ਤੇ 58 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਯਸ਼ਸਵੀ ਨੇ 53 ਗੇਂਦਾਂ ਵਿੱਚ 13 ਚੌਕੇ ਅਤੇ 2 ਛੱਕੇ ਜੜੇ ਜਦਕਿ ਗਿੱਲ ਨੇ 39 ਗੇਂਦਾਂ ਵਿੱਚ 6 ਚੌਕੇ ਅਤੇ 2 ਛੱਕੇ ਜੜੇ।