Asia Cup 2024: ਸੈਮੀਫਾਈਨਲ ‘ਚ ਭਾਰਤ, UAE ਖਿਲਾਫ ਰਿਚਾ ਦੀ ਰਿਕਾਰਡ ਤੋੜ ਪਾਰੀ…
Asia Cup 2024: ਮਹਿਲਾ ਏਸ਼ੀਆ ਕੱਪ ‘ਚ ਭਾਰਤ ਨੇ ਐਤਵਾਰ ਨੂੰ UAE ਖਿਲਾਫ ਵੱਡੀ ਜਿੱਤ ਦੇ ਨਾਲ ਸੈਮੀਫਾਈਨਲ ‘ਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਟਾਸ ਹਾਰਨ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਭਾਰਤੀ ਟੀਮ ਲਈ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਸ਼ਾਨਦਾਰ ਅਰਧ ਸੈਂਕੜਾ ਲਗਾਇਆ। ਇਸ ਤੋਂ ਬਾਅਦ ਅੰਤ ‘ਚ ਰਿਚਾ ਘੋਸ਼ ਦੀ ਧਮਾਕੇਦਾਰ ਪਾਰੀ ਟੀਮ ਨੂੰ 201 ਦੌੜਾਂ ਤੱਕ ਲੈ ਗਈ। ਇਸ ਮੈਚ ‘ਚ ਸਮ੍ਰਿਤੀ ਮੰਧਾਨਾ ਸਿਰਫ 13 ਦੌੜਾਂ ਹੀ ਬਣਾ ਸਕੀ ਜਦਕਿ ਸ਼ੈਫਾਲੀ ਵਰਮਾ ਨੇ 37 ਦੌੜਾਂ ਦਾ ਯੋਗਦਾਨ ਪਾਇਆ। 3 ਵਿਕਟਾਂ ਦੇ ਡਿੱਗਣ ਤੋਂ ਬਾਅਦ ਕਪਤਾਨ ਹਰਮਨਪ੍ਰੀਤ ਨੇ 47 ਗੇਂਦਾਂ ‘ਤੇ 66 ਦੌੜਾਂ ਦੀ ਪਾਰੀ ਖੇਡੀ।