T20 WC ਡੈਬਿਊ ‘ਤੇ ਛੱਕਿਆਂ ਦੀ ਵਰਖਾ, ਅਮਰੀਕੀ ਬੱਲੇਬਾਜ਼ ਨੇ ਬਣਾਇਆ ਰਿਕਾਰਡ

ICC T-20 WC ਦਾ ਪਹਿਲਾ ਮੈਚ ਜ਼ਬਰਦਸਤ ਰਿਹਾ। ਕੈਨੇਡਾ ਖਿਲਾਫ ਟਾਸ ਜਿੱਤ ਕੇ ਮੇਜ਼ਬਾਨ ਅਮਰੀਕਾ ਨੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਨਵਨੀਤ ਧਾਲੀਵਾਲ ਅਤੇ ਨਿਕੋਲਸ ਕੀਰਟਨ ਨੇ ਅਰਧ ਸੈਂਕੜੇ ਲਗਾ ਕੇ ਸਕੋਰ 5 ਵਿਕਟਾਂ ‘ਤੇ 194 ਦੌੜਾਂ ਤੱਕ ਪਹੁੰਚਾਇਆ। ਟੀਚੇ ਦਾ ਪਿੱਛਾ ਕਰਦੇ ਹੋਏ ਅਮਰੀਕਾ ਨੂੰ ਸ਼ੁਰੂਆਤੀ ਝਟਕਿਆਂ ਦਾ ਸਾਹਮਣਾ ਕਰਨਾ ਪਿਆ ਪਰ ਐਂਡਰੀਜ਼ ਗੌਸ ਅਤੇ ਐਰੋਨ ਜੋਨਸ ਨੇ ਸਾਂਝੇਦਾਰੀ ਨਿਭਾਈ ਜਿਸ ਨੇ ਮੈਚ ਨੂੰ ਆਪਣੇ ਹੱਕ ਵਿਚ ਕਰ ਦਿੱਤਾ। ਦੋਵਾਂ ਬੱਲੇਬਾਜ਼ਾਂ ਨੇ ਸੈਂਕੜੇ ਦੀ ਸਾਂਝੇਦਾਰੀ ਕਰਦੇ ਹੋਏ ਅਰਧ ਸੈਂਕੜੇ ਲਗਾਏ ਅਤੇ ਕਈ ਰਿਕਾਰਡ ਬਣਾਏ।