IPL 2024: ਕੀ KL ਰਾਹੁਲ ਛੱਡਣਗੇ ਕਪਤਾਨੀ? ਸ਼ਰਮਨਾਕ ਹਾਰ ਤੋਂ ਬਾਅਦ ਟੀਮ ਪ੍ਰਬੰਧਨ…
2022 ਦੀ ਨਿਲਾਮੀ ਵਿੱਚ ਰਿਕਾਰਡ 17 ਕਰੋੜ ਰੁਪਏ ਵਿੱਚ ਲਖਨਊ ਦੀ ਟੀਮ ਵਿੱਚ ਸ਼ਾਮਲ ਹੋਏ ਕੇਐਲ ਰਾਹੁਲ ਨੂੰ 2025 ਵਿੱਚ ਵੱਡੀ ਨਿਲਾਮੀ ਤੋਂ ਪਹਿਲਾਂ ਟੀਮ ਵੱਲੋਂ ਬਰਕਰਾਰ ਰੱਖਣ ਦੀ ਬਹੁਤ ਸੰਭਾਵਨਾ ਨਹੀਂ ਹੈ। ਹਾਲਾਂਕਿ ਇਸ ਦੌਰਾਨ ਕਿਆਸ ਲਗਾਏ ਜਾ ਰਹੇ ਹਨ ਕਿ ਕਪਤਾਨ ਖੁਦ ਆਪਣਾ ਅਹੁਦਾ ਛੱਡ ਕੇ ਅਗਲੇ ਦੋ ਮੈਚਾਂ ‘ਚ ਆਪਣੀ ਬੱਲੇਬਾਜ਼ੀ ‘ਤੇ ਧਿਆਨ ਦੇ ਸਕਦੇ ਹਨ। ਆਈਪੀਐਲ ਦੇ ਇੱਕ ਸੂਤਰ ਨੇ ਨਾਮ ਨਾ ਛਾਪਣ ਦੀ ਸ਼ਰਤ ‘ਤੇ ਪੀਟੀਆਈ ਨੂੰ ਦੱਸਿਆ, ‘ਦਿੱਲੀ ਕੈਪੀਟਲਸ ਦੇ ਖਿਲਾਫ ਅਗਲੇ ਮੈਚ ਤੋਂ ਪਹਿਲਾਂ ਪੰਜ ਦਿਨ ਦਾ ਬ੍ਰੇਕ ਹੈ। ਫਿਲਹਾਲ ਕੋਈ ਫੈਸਲਾ ਨਹੀਂ ਲਿਆ ਗਿਆ ਹੈ ਪਰ ਸਮਝਿਆ ਜਾ ਰਿਹਾ ਹੈ ਕਿ ਜੇਕਰ ਰਾਹੁਲ ਬਾਕੀ ਦੋ ਮੈਚਾਂ ‘ਚ ਸਿਰਫ ਆਪਣੀ ਬੱਲੇਬਾਜ਼ੀ ‘ਤੇ ਧਿਆਨ ਦੇਣ ਦੀ ਯੋਜਨਾ ਰੱਖਦੇ ਹਨ ਤਾਂ ਪ੍ਰਬੰਧਨ ਨੂੰ ਕੋਈ ਸਮੱਸਿਆ ਨਹੀਂ ਹੋਵੇਗੀ।