900 ਗੋਲ… 100 ਕਰੋੜ ਫਾਲੋਅਰਜ਼, ਅਰਬਾਂ ਦੀ ਜਾਇਦਾਦ ਦੇ ਮਾਲਕ ਕ੍ਰਿਸਟੀਆਨੋ ਰੋਨਾਲਡੋ

Cristiano Ronaldo Net Worth: ਫੁੱਟਬਾਲ ਦੀ ਦੁਨੀਆ ‘ਤੇ ਰਾਜ ਕਰਨ ਵਾਲੇ ਪੁਰਤਗਾਲ ਦੇ ਸਟਾਰ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਇਨ੍ਹੀਂ ਦਿਨੀਂ ਸੁਰਖੀਆਂ ‘ਚ ਹਨ। ਰੋਨਾਲਡੋ ਦੇ ਸੋਸ਼ਲ ਮੀਡੀਆ ‘ਤੇ 100 ਕਰੋੜ ਫਾਲੋਅਰਜ਼ ਹਨ। ਉਹ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਇਹ ਉਪਲਬਧੀ ਹਾਸਲ ਕਰਨ ਵਾਲੇ ਪਹਿਲੇ ਵਿਅਕਤੀ ਬਣ ਗਏ ਹਨ। ਰੋਨਾਲਡੋ ਨੇ ਹਾਲ ਹੀ ਵਿੱਚ ਆਪਣੇ ਕਰੀਅਰ ਦਾ 900ਵਾਂ ਗੋਲ ਕਰਕੇ ਇਤਿਹਾਸ ਰਚਿਆ ਸੀ। 39 ਸਾਲਾ ਰੋਨਾਲਡੋ ਦੀ ਦੁਨੀਆ ਭਰ ‘ਚ ਫੈਨ ਫਾਲੋਇੰਗ ਹੈ। ਉਹ ਵਿਸ਼ਵ ਫੁਟਬਾਲ ਵਿੱਚ ਤੀਜੇ ਸਭ ਤੋਂ ਵੱਧ ਜਾਇਦਾਦ ਵਾਲੇ ਫੁਟਬਾਲਰ ਹਨ। ਉਹ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਲਈ ਕਰੋੜਾਂ ਰੁਪਏ ਲੈਂਦੇ ਹਨ। ਉਹ ਫੁੱਟਬਾਲ, ਇਸ਼ਤਿਹਾਰਾਂ ਅਤੇ ਸੋਸ਼ਲ ਮੀਡੀਆ ਪੋਸਟਾਂ ਆਦਿ ਸਮੇਤ ਕਈ ਥਾਵਾਂ ਤੋਂ ਪੈਸਾ ਕਮਾਉਂਦੇ ਹਨ। ਰੋਨਾਲਡੋ ਦੀ ਕੁੱਲ ਜਾਇਦਾਦ ਅਰਬਾਂ ਤੱਕ ਪਹੁੰਚ ਗਈ ਹੈ। ਰੋਨਾਲਡੋ ਨੂੰ ਆਧੁਨਿਕ ਫੁਟਬਾਲ ਵਿੱਚ ਚੋਟੀ ਦੇ ਫੁਟਬਾਲਰਾਂ ਵਿੱਚ ਗਿਣਿਆ ਜਾਂਦਾ ਹੈ। ਅੱਜ ਵੀ ਉਹ ਆਪਣੀ ਸਪੀਡ ਨਾਲ ਮੈਦਾਨ ‘ਤੇ ਨੌਜਵਾਨਾਂ ਨੂੰ ਹਰਾਉਂਦੇ ਨਜ਼ਰ ਆ ਰਹੇ ਹਨ।