ਵਨਡੇਅ ਰੈਂਕਿੰਗ ‘ਚ ਭਾਰਤ ਦਾ ਧਮਾਕਾ, ਰੋਹਿਤ ਦੂਜੇ, ਗਿੱਲ ਤੀਜੇ ਅਤੇ ਵਿਰਾਟ ਚੌਥੇ…

ਸ਼੍ਰੀਲੰਕਾ ਖਿਲਾਫ ਤਿੰਨ ਮੈਚਾਂ ਦੀ ਵਨਡੇਅ ਸੀਰੀਜ਼ ‘ਚ ਭਾਰਤੀ ਟੀਮ ਦੀ ਹਾਰ ਦੇ ਬਾਵਜੂਦ ਕਪਤਾਨ ਰੋਹਿਤ ਸ਼ਰਮਾ ਦਾ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਭਾਰਤ ਸੀਰੀਜ਼ 0-2 ਨਾਲ ਹਾਰ ਗਿਆ ਪਰ ਰੋਹਿਤ ਨੇ ਦੋ ਅਰਧ ਸੈਂਕੜਿਆਂ ਨਾਲ 52.33 ਦੀ ਔਸਤ ਨਾਲ 157 ਦੌੜਾਂ ਬਣਾਈਆਂ। ਸੀਰੀਜ਼ ਦਾ ਪਹਿਲਾ ਮੈਚ ਟਾਈ ਰਿਹਾ ਸੀ। ਵਨਡੇਅ ਬੱਲੇਬਾਜ਼ਾਂ ਦੀ ਤਾਜ਼ਾ ਆਈਸੀਸੀ ਰੈਂਕਿੰਗ ਵਿੱਚ ਸ਼ੁਭਮਨ ਗਿੱਲ ਇੱਕ ਸਥਾਨ ਹੇਠਾਂ ਤੀਜੇ ਸਥਾਨ ‘ਤੇ ਖਿਸਕ ਗਏ ਹਨ, ਜਦਕਿ ਵਿਰਾਟ ਕੋਹਲੀ ਚੌਥੇ ਸਥਾਨ ‘ਤੇ ਬਰਕਰਾਰ ਹਨ । ਪਾਕਿਸਤਾਨ ਦੇ ਬਾਬਰ ਆਜ਼ਮ ਇਸ ਸਮੇਂ 824 ਰੇਟਿੰਗ ਅੰਕਾਂ ਨਾਲ ਸੂਚੀ ਵਿਚ ਸਿਖਰ ‘ਤੇ ਹਨ ਜਦਕਿ ਰੋਹਿਤ ਦੇ 765 ਅੰਕ ਹਨ।