ਮੈਡਲ ਤੋਂ ਖੁੰਝੇ ਅਰਜੁਨ ਬਬੂਤਾ, 10 ਮੀਟਰ ਏਅਰ ਰਾਈਫਲ ‘ਚ ਚੌਥੇ ਸਥਾਨ ‘ਤੇ ਰਹੇ

Paris Olympics 2024: ਪੈਰਿਸ ਓਲੰਪਿਕ ਦੇ ਤੀਜੇ ਦਿਨ ਪੁਰਸ਼ ਨਿਸ਼ਾਨੇਬਾਜ਼ ਅਰਜੁਨ ਬਬੂਤਾ ਵੀ ਭਾਰਤ ਦੀਆਂ ਤਗਮੇ ਦੀਆਂ ਉਮੀਦਾਂ ਤੋਂ ਖੁੰਝ ਗਏ । 10 ਮੀਟਰ ਏਅਰ ਰਾਈਫਲ ਫਾਈਨਲ ‘ਚ ਚੰਗੀ ਸ਼ੁਰੂਆਤ ਕਰਨ ਤੋਂ ਬਾਅਦ ਉਹ ਖਰਾਬ ਸ਼ਾਟ ਕਾਰਨ ਤਮਗੇ ਦੀ ਦੌੜ ‘ਚੋਂ ਬਾਹਰ ਹੋ ਗਏ । ਬਾਬੂਤਾ ਨੇ ਐਤਵਾਰ ਨੂੰ 630.1 ਦੇ ਸਕੋਰ ਨਾਲ ਸੱਤਵਾਂ ਸਥਾਨ ਹਾਸਲ ਕਰਕੇ ਫਾਈਨਲ ਵਿੱਚ ਥਾਂ ਪੱਕੀ ਕੀਤੀ। ਸੋਮਵਾਰ ਨੂੰ ਫਾਈਨਲ ‘ਚ ਉਹ 18 ਸ਼ਾਟ ਤੋਂ ਬਾਅਦ ਤੀਜੇ ਸਥਾਨ ‘ਤੇ ਰਹੇ ਪਰ 20 ਸ਼ਾਟ ਤੋਂ ਬਾਅਦ ਉਹ ਚੌਥੇ ਸਥਾਨ ‘ਤੇ ਖਿਸਕ ਗਏ ਅਤੇ ਤਮਗਾ ਜਿੱਤਣ ਤੋਂ ਖੁੰਝ ਗਏ।