ਮੈਂ ਕੁਸ਼ਤੀ ‘ਚ ਵਾਪਸੀ ਕਰ ਸਕਦੀ ਹਾਂ, ਵਿਨੇਸ਼ ਫੋਗਾਟ ਦਾ ਸੁਪਨਾ, ਪਿੰਡ ਦਾ ਕੋਈ…

ਵਿਨੇਸ਼ ਫੋਗਾਟ ਦਾ ਦਿੱਲੀ ਤੋਂ ਉਨ੍ਹਾਂ ਦੇ ਜੱਦੀ ਪਿੰਡ ਬਲਾਲੀ ਦੇ ਰਸਤੇ ‘ਚ ਉਨ੍ਹਾਂ ਦੇ ਸਮਰਥਕਾਂ ਅਤੇ ਖਾਪ ਪੰਚਾਇਤਾਂ ਵੱਲੋਂ ਸਨਮਾਨ ਕੀਤਾ ਗਿਆ। 135 ਕਿਲੋਮੀਟਰ ਦੀ ਦੂਰੀ ਪੂਰੀ ਕਰਨ ਵਿੱਚ ਉਸ ਨੂੰ ਕਰੀਬ 13 ਘੰਟੇ ਲੱਗੇ। ਅੱਧੀ ਰਾਤ ਨੂੰ ਉਹ ਆਪਣੇ ਪਿੰਡ ਪਹੁੰਚ ਗਈ। ਪਿੰਡ ਵਾਸੀਆਂ ਨੇ ਉਨ੍ਹਾਂ ਦਾ ਪੂਰੇ ਉਤਸ਼ਾਹ ਨਾਲ ਸਵਾਗਤ ਕੀਤਾ। ਪੈਰਿਸ ਤੋਂ ਇੱਥੇ ਤੱਕ ਦੇ ਲੰਬੇ ਸਫਰ ਕਾਰਨ ਵਿਨੇਸ਼ ਬਹੁਤ ਥੱਕ ਗਈ ਸੀ ਪਰ ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਸੰਬੋਧਨ ਕੀਤਾ। ਦੋ ਵਾਰ ਦੀ ਵਿਸ਼ਵ ਚੈਂਪੀਅਨਸ਼ਿਪ ਤਮਗਾ ਜੇਤੂ ਵਿਨੇਸ਼ ਨੇ ਉਮੀਦ ਜ਼ਾਹਰ ਕੀਤੀ ਕਿ ਪਿੰਡ ਦੀ ਇਕ ਖਿਡਾਰਨ ਉਸ ਦੀ ਵਿਰਾਸਤ ਨੂੰ ਅੱਗੇ ਵਧਾਏਗੀ ਅਤੇ ਉਸ ਤੋਂ ਵੱਧ ਸਫਲਤਾ ਹਾਸਲ ਕਰੇਗੀ।