ਬਦਕਿਸਮਤ ਗੇਂਦਬਾਜ਼! ਇਹਨਾਂ 3 ਬੱਲੇਬਾਜ਼ਾਂ ਦੇ ਕੈਚ ਛੱਡਣੇ ਗੇਂਦਬਾਜ਼ ਨੂੰ ਪਏ ਮਹਿੰਗੇ…

‘ਲੰਬੂ’ ਦੇ ਨਾਂ ਨਾਲ ਮਸ਼ਹੂਰ ਇਸ਼ਾਂਤ ਨਾਲ ਇਕ ਹੋਰ ਦੁਖਦ ਇਤਫ਼ਾਕ ਜੁੜਿਆ ਹੈ। ਟੈਸਟ ਕ੍ਰਿਕਟ ‘ਚ ਤਿੰਨ ਮੌਕਿਆਂ ‘ਤੇ ਆਪਣੀ ਗੇਂਦਬਾਜ਼ੀ ਦੌਰਾਨ ਵਿਰੋਧੀ ਟੀਮ ਦੇ ਮਸ਼ਹੂਰ ਬੱਲੇਬਾਜ਼ ਦਾ ਕੈਚ ਛੁੱਟ ਗਿਆ ਅਤੇ ਤਿੰਨੋਂ ਮੌਕਿਆਂ ‘ਤੇ ਬੱਲੇਬਾਜ਼ ਨੇ ਇਸ ਦਾ ਫਾਇਦਾ ਉਠਾਇਆ ਅਤੇ ਵੱਡਾ ਸਕੋਰ ਬਣਾਇਆ। ਟੀਮ ਇੰਡੀਆ ਅਤੇ ਇਸ਼ਾਂਤ ਲਈ ਇਹ ‘ਜੀਵਨ ਦਾਨ’ ਬਹੁਤ ਮਹਿੰਗਾ ਪਿਆ। ਇਸ਼ਾਂਤ ਆਸਟ੍ਰੇਲੀਆ ਦੇ ਮਾਈਕਲ ਕਲਾਰਕ, ਨਿਊਜ਼ੀਲੈਂਡ ਦੇ ਬ੍ਰੈਂਡਨ ਮੈਕੁਲਮ ਅਤੇ ਇੰਗਲੈਂਡ ਦੇ ਐਲਿਸਟੇਅਰ ਕੁੱਕ ਦੇ ਕੈਚਾਂ ਤੋਂ ਖੁੰਝ ਗਏ। ਇਨ੍ਹਾਂ ਵਿਚੋਂ ਦੋ ਬੱਲੇਬਾਜ਼ਾਂ ਨੇ ਤੀਹਰਾ ਸੈਂਕੜਾ ਲਗਾਇਆ ਅਤੇ ਇਕ ਨੇ 294 ਦੌੜਾਂ ਬਣਾਈਆਂ। ਟੈਸਟ ਕ੍ਰਿਕਟ ‘ਚ ਇਨ੍ਹਾਂ ਤਿੰਨਾਂ ਬੱਲੇਬਾਜ਼ਾਂ ਦਾ ਇਹ ਸਭ ਤੋਂ ਵੱਡਾ ਸਕੋਰ ਸੀ।